Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Аллоҳ таоло Мулк сурасида шундай марҳамат қилади:

ﭑ ﭒ ﭓ ﭔ ﭕ ﭖ ﭗ ﭘ ﭙ ﭚ

«Подшоҳлик Ўз қўлида бўлган Зот баракотли, улуғ бўлди. У ҳар бир нарсага ўта қодирдир» (1-оят).

Яъни олий оламнинг ҳам, қуйи оламнинг ҳам мулки Аллоҳ таолонинг қўлидадир. Уларни хоҳлаганича тасарруф қилади. Абдуллоҳ ибн Аббос розияллоҳу анҳу: «Қўлида мулк бўлган Зот» кимни хоҳласа, азиз қилади, кимни хоҳласа, хор қилади, тирилтиради, ҳам ўлдиради, бой қилади, ҳам камбағал қилади, беради, ҳам олади», – деган эканлар.

«У ҳар бир нарсага ўта қодирдир».

Яъни Унинг қудрати тугалдир. Барча ишларда низосиз тасарруф қилади.