Ҳаж амири хутбалари | Фиқҳ дарслари (364-дарс)
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Зулҳижжанинг еттинчи куни имом бир хутба қилиб, таълим беради. Кейин тўққизинчи куни Арафотда ва ўн биринчи куни Минода.
Биринчи хутба Зулҳижжанинг еттинчи куни пешин намозидан кейин бўлиб, унда орада ўтириш йўқ. Унда имом келгуси кунларда адо этиладиган ибодатлар ҳақида таълим беради.
Иккинчи хутба тўққизинчи куни Арафотда бўлиб, у худди жуманинг хутбасига ўхшайди.
Учинчи хутба Зулҳижжанинг ўн биринчи куни Минода бўлиб, орасида ўтириш йўқ. Пешин намозидан кейин ўтирилади ва унда кейинги бўладиган амаллар шарҳланади.
Минога чиқиш
Тарвия куни Минога чиқади ва у ерда арафа кунининг тонгигача туради.
Зyлҳижжa oйининг caккизинчи кyни (бy кyнни бизнинг юртларда «ёлғoн apaфa», apaблар эca «тapвия» кyни дeйишади) Бoмдoд нaмoзи ўқилгaнидaн кeйин ҳaммa Mинoгa қapaб жўнaйди.
Минода тарвия кунининг пешин, аср, шом, хуфтон ҳамда арафа кунининг бомдод намозлари ўқилади, дуо ва ибодат билан машғул бўлинади. Набийимиз алайҳиссалом шундай қилганлар.
Ҳазрати Жобир розияллоҳу анҳунинг ҳажжатул вадоъ ҳақидаги машҳур ҳадисларида: «Тарвия куни Минога юзландилар. Улар ҳажни ният қилиб талбия айтдилар. Расулуллоҳ соллаллоҳу алайҳи васаллам уловга миндилар. У ер(Мино)-да пешин, аср, шом, хуфтон ва бомдодни ўқидилар. Сўнг бирпас туриб, қуёш чиққандан кейин ўзлари учун Намирага жун капани тикишга амр қилдилар. Бас, Расулуллоҳ соллаллоҳу алайҳи васаллам юриб кетдилар», дейилган.
«Кифоя» китобининг иккинчи жузи асосида тайёрланди
Ушбу китоб Ўзбекистон Республикаси Дин ишлари бўйича қўмитанинг 2022 йил 5 октябрдаги 03-07/7013-рақамли хулосаси асосида чоп этилган.
© islom.uz 2003-2026.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
